Afro 1000 migrantë kanë kaluar Kanalin Anglez për në Britani të Madhe të shtunën, sipas shifrave zyrtare të publikuara nga Ministria e Mbrojtjes e Britanisë, raporton agjencia AP.
Ministria ka thënë se 20 anije duke transportuar 960 migrantë janë zbuluar duke e kaluar Kanalin.
Mbi 26 mijë persona e kanë kaluar Kanalin Anglez në anije të vogla deri më tash këtë vit, sipas të dhëënave të autoriteteve britanike.
Kanë kaluar afro katër muaj që kur Sekretarja e Brendshme e Britanisë së Madhe, Priti Patel, ka zbuluar planin që të dërgohen migrantët për në Ruanda.
Sipas marrëveshjes së re, Britania synon të dërgojë migrantët që arrijnë ilegalisht në territorin e saj me varka të vogla për në Ruandë, ku nga atje do të procesohet kërkesa e tyre për azil.
