Parlamenti i Spanjës miraton përfundimisht ligjin e amnistisë për separatistët katalonjas

E përditësuar: Parlamenti i Spanjës i ka dhënë të enjten miratimin përfundimtar një ligji të diskutueshëm amnistie për qindra separatistë katalonjas të përfshirë në përpjekjen e paligjshme dhe të pasuksesshme të shkëputjes në vitin 2017. 

Legjislacioni u mbështet në dhomën e ulët nga qeveria e koalicionit të krahut të majtë të Spanjës, dy parti separatiste katalonjase dhe parti të tjera më të vogla, raporton AP.

Ai kaloi pavarësisht se Partia Popullore konservatore dhe e djathta ekstreme Vox votuan kundër saj. 

Nga amnistia duhet të përfitojë ish-presidenti rajonal katalonjas, Carles Puigdemont dhe qindra të tjerë. 

Puigdemont është një i arratisur nga ligji spanjoll në Belgjikë pasi u largua nga vendi i tij pas përpjekjes së dështuar të shkëputjes që ai udhëhoqi.

Parlamenti spanjoll pritet ta miratojë ligjin e amnistisë për separatistët katalonjas

Parlamenti i Spanjës pritet të japë miratimin përfundimtar të enjten për ligjin kontroversal të amnistisë për qindra separatistë të Katalonisë, të përfshirë në përpjekjen ilegale dhe të pasuksesshme të vitit 2017 për shkëputje.

Legjislacioni po mbështetet nga koalicioni qeveritar i krahut të djathtë të Spanjës, dy parti separatiste katalonjase dhe disa parti të vogla. Ai pritet të kalojë pavarësisht se Partia Popullore konservatore dhe e djathta ekstreme Vox votuan kundër saj, raporton AP. 

Amnistia mund të jetë përfituese për ish-presidentin rajonal katalonjas, Carles Puigdemont, i cili është i arratisur nga ligji spanjoll në Belgjikë, pasi u largua nga vendi i tij pas përpjekjes së dështuar të shkëputjes së tetorit 2017 që ai drejtoi. 

Ai gjithashtu pritet të ndihmojë qindra të tjerë, duke përfshirë ish-zyrtarët e qeverisë në Barcelonë, qytetarët mesatarë që morën pjesë në përpjekjet për shkëputje ose protestat, dhe disa oficerë policie të përfshirë në referendumin e paligjshëm të pavarësisë të mbajtur nga qeveria e Puigdemontit. 

Miratimi i ligjit të amnistisë, megjithatë, nuk e sqaron menjëherë rrëmujën ligjore të separatistëve. 

Ligji ka të ngjarë të përballet me sfida ligjore dhe do të shqyrtohet nga gjykatat më të larta. Ka ekspertë që vënë në pikëpyetje kushtetutshmërinë e saj pasi thonë se kjo do të krijonte pabarazi mes qytetarëve spanjollë duke favorizuar disa ndaj të tjerëve. 

Që nga marrja e pushtetit në vitin 2018, kryeministri spanjoll, Pedro Sánchez është fokusuar në uljen e tensioneve në Katalonjën verilindore dhe ai argumenton se amnistia është çelësi për kulmimin e këtij procesi. Por amnistia ishte gjithashtu një domosdoshmëri politike për Sánchezin, i cili pranoi aktin e faljes kur kishte nevojë për mbështetjen e ligjvënësve separatistë në Madrid për të formuar një qeveri të re kombëtare në nëntor. 

Projektligji fillimisht u miratua nga dhoma e ulët e Parlamentit në mars. Senati, ku partitë e krahut të djathtë kanë shumicën, e hodhi poshtë atë në fillim të këtij muaji.