-
Përktheu:
Flutura Gashi-Mehmeti
- 13 qershor 2024 08:12
- Shpërndaje në:
Të paktën 40 indianë janë në mesin e 49 personave që kanë vdekur si pasojë e një zjarri që ka shpërthyer në qytetin Mangaf të Kuvajtit të mërkurën, ka bërë të ditur ministria e Jashtme e Indisë.
Zjarri ka shpërthyer në një ndërtesë e cila banohej kryesisht nga punëtorë të huaj, raporton BBC.
Autoritetet kanë thënë se shumica e të vdekurve janë nga shtetet Kerala dhe Tamil Nadu të Indisë jugore. Rreth 50 indianë kanë mbetur po ashtu të lënduar në ngjarje.
Kryeministri indian, Narendra Modi u ka shprehur ngushëllimet e tij familjeve të viktimave.
“Mendimet e mia janë me ata që kanë humbur të dashurit e tyre. Lutem që të lënduarit të shërohen sa më shpejt”, ka shkruar ai në X.
Modi ka shtuar se ambasada indiane është duke e monitoruar situatën dhe duke punuar me autoritetet e Kuvajtit.
Zëvendëskryeministri i Kuvajtit, Sheikh Fahad Yusuf al-Sabah ka akuzuar pronarët e pronave për lakmi, duke thënë se ata i kanë shkelur standardet e ndërtimit dhe se kjo ka çuar në tragjedinë.
LEXO EDHE:
