Një grua 26-vjeçare nga Teksasi u qëllua dhe u vra nga i dashuri i saj pasi abortoi në një shtet tjetër.
Ai është burgosur për vrasje.
Teksasi i ndaloi abortet pas afërsisht gjashtë javësh shtatzënie, nga shtatori 2021, shkroi Guardian.
Gabriella Gonzalez ishte me të dashurin e saj, Harold Thompson, 22 vjeç, në një parking në Dallas kur ai u përpoq ta mbyste. Ajo ishte kthyer nga Kolorado një natë më parë.
“Besohet se i dyshuari ishte babai i fëmijës”, thuhet në deklaratën e policisë. “I dyshuari nuk donte që (Gonzalez) të bënte abortin”.
Videoja nga parkingu tregon se Gonzalez e largon, tha policia, dhe të dy vazhdojnë të ecin. Thompson pastaj nxjerr një armë dhe qëllon Gonzalez në kokë. Ajo bie në tokë dhe Thompson e qëllon disa herë përpara se të ikë, thuhet në deklaratë.
Në kohën e të shtënave, Thompson ishte i akuzuar për sulm ndaj një anëtari të familjes, i cili e akuzoi atë se e kishte sulmuar.
