61 spitale në Ukrainë nuk janë duke funksionuar për shkak të sulmeve nga forcat ruse.
Siç ka njoftuar të martën Ministri i Shëndetësisë i këtij vendi, Viktor Lyashko, autoritetet nuk ishin në gjendje të dërgonin furnizime mjekësore për komunitetet e vijës së parë.
Shkak i mosfurnizimit të këtyre spitaleve, ministri thotë se ka qenë mungesa e korridoreve humanitare.
"Terroristët nga vendi agresor kanë nxjerrë jashtë funksionit 61 spitale. Autoritetet nuk ishin në gjendje të dërgonin furnizime kritike mjekësore për komunitetet e vijës së parë për shkak të mungesës së ‘korridoreve humanitare’", raporton Reuters.
Rusia mohon të ketë sulmuar objektiva civilë.
