-
Përktheu:
Flutura Gashi-Mehmeti
- 16 shkurt 2025 10:13
- Shpërndaje në:
Të paktën 18 persona kanë mbetur të vdekur dhe 10 të tjerë të lënduar si pasojë e një përplasjeje mes njerëzve, në një stacion hekurudhor në Nw Delhi.
Mijëra njerëz thuhet se janë grumbulluar në stacionin hekurudhor të shtunën mbrëma teksa po përpiqeshin të hipnin në trenat e vonuar.
Katër nga viktimat ishin fëmijë, ndërsa 10 gra, sipas një liste të publikuar nga zyrtarët, raporton BBC.
Kryeministri indian, Narendra Modi, ka thënë në një postim në X se mendimet e tij ishin "me të gjithë ata që kanë humbur të dashurit e tyre".
Shtypja e turmës është e zakonshme në Indi, ku ka mbipopullim të shpeshtë në ngjarje fetare, festivale dhe hapësira publike.
Incidenti vjen disa javë pasi 30 njerëz vdiqën nga një stampedo në festivalin Kumbh Mela, në Indinë veriore, ku dhjetëra miliona hindu ishin mbledhur për t'u larë në ujërat e lumenjve të shenjtë në një nga ditët e shenjta të ngjarjes gjashtëjavore.
