13 të vrarë nga një sulm izraelit në Bejrut

13 persona, përfshirë një fëmijë, janë vrarë në një sulm ajror izraelit afër një spitali në jug të Bejrutit, ka njoftuar Ministria e Shëndetësisë e Libanit.

Sulmi duket të ketë goditur parkingun e spitalit universitar "Rafik Hariri", ka thënë një burim.

Sipas Ministrisë së Shëndetësisë, numri i të plagosurve është rritur në 57 dhe shtatë prej tyre janë në gjendje kritike.

Sulmi ishte një nga 13 sulmet ajrore që e goditën Bejrutin jugor të hënën në mbrëmje. Ushtria izraelite ka thënë se po sulmon objekte të lidhura me Hezbollahun, raporton BBC.