Bashkimi ka vazhduar me fitore në Superligën e Kosovës në basketboll.
Të dielën mbrëma në Prizren, Bashkimi e mposhti Borën e Prishtinës me rezultat bindës, 91:78.
Kjo ishte ndeshja e fundit e xhiros së katërt. Bashkimi është skuadra e vetme që ka fituar të gjitha ndeshjet e deritashme dhe udhëheq në tabelë me tetë pikë. Bora është ende në pritje të fitores së parë në Superligë.
Jayveous Mckinnis udhëhoqi Bashkimin me 18 pikë e tetë kërcime.
Mack Smish i kishte 12 pikë, 11 kërcime e katër asistime.
Borës nuk i mjaftuan 21 pikët dhe 10 kërcimet e Shamarkus Kennedyt dhe 19 pikët e Rrezart Memedit.
