Pajisja e re për testimin e drogës në trafik, pra gjatë drejtimit të automjetit, është në fazën përfundimtare të zhvillimit. Thuhet se është në gjendje të testojë një gamë më të gjerë drogrash në terren.
Funksionon si një test antigjeni dhe mund të zbulojë jo vetëm kanabisin, kokainën, benzodiazepinatin dhe opiatet, por edhe amfetaminën dhe metamfetaminën, shkruan Roadpol.
Përparësitë e sistemit të ri janë se mbledhja e lëngut oral është shumë e shpejtë, koha e testimit reduktohet në 2-8 minuta dhe pajisja është lehtësisht e lëvizshme pa pasur nevojë për një pajisje tjetër për të lexuar rezultatet.
Pajisja ka të gjitha certifikatat për të rritur aftësinë e patrullave të policisë për të testuar shoferët nëse përdorin drogë dhe për të lehtësuar sjelljen e kriminelëve para drejtësisë.
Pajisja po zhvillohet nga prodhuesi gjerman Securetec, dhe tashmë po përdoret nga policia rrugore irlandeze.
