Prodhuesi japonez i automjeteve, Toyota, ka njoftuar se të dhënat e automjeteve të 2.15 milionë përdoruesve në Japoni, ose pothuajse e gjithë baza e klientëve që janë regjistruar për platformat e saj kryesore të shërbimit cloud që nga viti 2012, janë publikuar gabimisht, raportoi të hënën Reuters.
Incidenti që ka prekur gjithashtu klientët e markës luksoze Lexus, ndodhi pasi prodhuesi më i madh i automjeteve në botë për nga shitjet ka bërë një shtytje në lidhjen e automjeteve dhe menaxhimin e të dhënave të bazuara në cloud, të cilat shihen si thelbësore për ofrimin e drejtimin autonom dhe veçorive të tjera të mbështetura nga inteligjenca artificiale.
“Çështja, e cila filloi në nëntor të vitit 2013 dhe zgjati deri në mes të prillit, erdhi nga gabimi njerëzor, duke çuar në vendosjen e një sistemi cloud në publik në vend të privat. Ai mund të përfshijë detaje të tilla si vendndodhjet e automjeteve dhe numrat e identifikimit të pajisjeve të automjeteve, por nuk ka raportime për përdorim me qëllim të keq”, ka thënë një zëdhënës i Toyotas.
I pyetur pse u është dashur kohë për të kuptuar se ka pasur një gabim, ai tha se ka pasur mungesë të mekanizmave aktivë të zbulimit dhe aktiviteteve për të zbuluar praninë ose mungesën e gjërave që janë bërë publike.
Toyota tha se do të prezantojë një sistem për të audituar cilësimet e cloudit, do të krijojë një sistem për të monitoruar vazhdimisht cilësimet dhe do të edukojë punonjësit mbi rregullat e trajtimit të të dhënave.
Klientët e prekur përfshinin ata që u regjistruan për shërbimin T-Connect që ofron një gamë të gjerë shërbimesh, duke përfshirë asistencën e drejtimit me zë të AI-së, lidhje automatike me qendrat e thirrjeve për menaxhimin e automjeteve dhe mbështetje emergjente në raste të tilla si aksident trafiku ose sëmundje e papritur.
