Blerja e një veture elektrike të përdorur mund të jetë çështje e komplikuar dhe me shumë dyshime, por një marrëveshje e mirë, mund të rezultojë e suksesshme. Automjetet e përdorura kanë shënuar një rritje të madhe të kërkesave në Indi, derisa blerja e të rejave aktualisht nuk është në nivelet më të larta, shkruan "Auto" të dielën.
Megjithatë, ndaj veturave të përdorura duhet të ketë një kujdes më të shtuar. Në vijim janë disa prej çështjeve që duhet pasur parasysh para se të blihet një veturë elektrike e tillë.
Përcaktoni kërkesën tuaj - Para se të blini një veturë elektrike të përdorur, përcaktoni atë që po e synoni. Shumica e veturave elektrike aktualisht vijnë me një gamë të gjerë që mund ta mbulojnë lëvizjen brenda dhe rreth qytetit. Nëse me veturë synoni të lëvizni vetëm brenda zonës apo qytetit tuaj, specifikat e saj mund të jenë më të ulëta, me ç'rast do të shpenzoni më pak.
Kontrolloni baterinë e veturës - Para se ta blini veturën, shikoni nëse bateria e saj elektrike është e tejpërdorur, ose ka qenë e ndërruar më parë. Këshillohet që të shihet gjendja e brendshme e baterisë dhe funksionaliteti i saj. Kjo zakonisht bëhet nëpërmjet dokumentacionit që shitësi mund t'ua dëshmojë.
Kontrollin mbushësin - Pos baterisë, është shumë e rëndësishme edhe mbushja e saj. Mbushësi duhet të jetë në gjendje të mirë, e gjithsesi ta posedojë edhe dokumentin garantues nga shitësi.
