Bentley ka paralajmëruar prodhimin e gjeneratës së tretë të “Batur”, ndërsa ka thënë se do të jetë vetura më e shtrenjtë e kompanisë ndonjëherë.
“Batur” është një nga veturat më të fuqishme me motor SUS që prodhohet në Britaninë e Madhe.
Gjenerata e tretë e “Batur” do të prodhohet vetëm në 16 kopje. Një e tillë pritet të kushtojë rreth 2.3 milionë euro.
Vetura me dy ulëse do të jetë një nga automjetet e fundit që do të ketë motorin 6.0-litërsh W12 me dy ‘turbocharge’, pasi nuk do të prodhohet më.
Sa i përket performancës, motori ka 720 kuaj fuqi dhe pritet të arrijë 100 km/h në 3.4 sekonda. Shpejtësia maksimale e tij do të jetë 336 km/h.
Klientët do të mund ta personalizojnë veturën.
