Presidenti i Ukrainës, Volodymyr Zelensky, ka zhvilluar të shtunën një bisedë telefonike me kryeministrin e Shqipërisë, Edi Rama.
Zelensky ka shkruar në Twitter se me Ramën diskutuan rreth luftës dhe punës së përbashkët me Kombet e Bashkuara.
Ai ka falënderuar Shqipërinë për mbështetjen në këto kohë të vështira.
“Pata një bisedë telefonike me kryeministrin e Shqipërisë, Edi Rama. Diskutuam për luftën kundër pushtuesve rusë. U diskutua për punën e përbashkët në kuadër të Kombeve të Bashkuara. Ne vlerësojmë ndihmën praktike dhe mbështetjen e Shqipërisë në këtë kohë të vështirë. Ne po bëjmë gjithçka për t'i dhënë fund luftës. #StopRusia”, ka shkruar Zelensky në Twitter.
Had a phone conversation with ?? Prime Minister @ediramaal. Spoke about the fight against Russian invaders. Discussed joint work within ??. We appreciate the practical help and support of Albania in this difficult time. We are doing everything to end the war. #StopRussia
— Володимир Зеленський (@ZelenskyyUa) March 5, 2022
Ndërkohë, pak pas postimit të Zelenskyt në Twitter, kryeminstri Rama ka shpërndarë në Facebook një pjesë audio nga biseda e tij me presidentin ukrainas.
?????Sot pata një telefonatë nga Presidenti Zelensky, i cili më falenderoi për gjithçka Shqipëria po bën në këto ditë tragjike për popullin e tij, për Europën e për mbarë botën, duke nisur nga roli ynë si bashkëpenëmbajtës me SHBA në Këshillin e Sigurimit, tek ndihmat e dhëna për ushtrinë ukrainase, si edhe angazhimi intensiv në kanalet diplomatike me partnerë të rëndësishëm, në mbështetje të Ukrainës. I shpreha presidentit ukrainas të gjithë admirimin dhe solidaritetin e popullit shqiptar në Shqipëri e në Kosovë, me të dhe rezistencën ukrainase, si edhe vullnetin e plotë për të bërë gjithçka mundemi në përmasën tonë të vogël, që Ukraina të triumfojë në luftën e saj liridashëse?????
Posted by Edi Rama on Saturday, March 5, 2022
