-
Nga:
Feim Azemi
- 27 nëntor 2020 19:56
- Shpërndaje në:
Spitali Regjional i Gjilanit është duke funksionuar me vetëm dy anesteziologë të cilët do të punojnë atëherë kur paraqiten raste emergjente. Numri i madh i punëtorëve shëndetësorë të infektuar me COVID-19 në këtë spital ka bërë që të ketë edhe reduktim të stafit. Ministria e Shëndetësisë ka bërë të ditur se 50 punëtorë shëndetësorë në Spitalin e Gjilanit janë pozitivë me COVID-19.
Drejtori klinik në Spitalin e Gjilanit, Ukshin Ismajli, deklaron se në këtë spital nuk do të realizohen operacione të pacientëve përveç ato operacione të cilat konsiderohen se janë emergjente. Ai deklaron se Qendra Klinike Universitare e Kosovës (QKUK) u ka dërguar dy anesteziologë për shkak se tre anesteziologë kanë rezultuar se janë infektuar me COVID-19.
“Operacionet të cilët ka mundësi të presin janë shtyrë. Ndërsa operacionet emergjente punohen. Është bërë një reduktim i rasteve emergjente për shkak të kontaminimit të tre anesteziologëve me COVID-19. Por na ka dalë në ndihmë QKUK-ja me 2 anesteziologë na kanë dërguar për kujdestari. Vetëm 2 anesteziologë janë aktivë në Gjilan për momentin” ka thënë ai.
