Projekti madhor për qendrën e skijimit ‘Borea’ në Pejë, tashmë ka marrë dritën e gjelbër.
Ky vendim i marrë më 4 gusht dhe i nënshkruar nga kryesuesi i këtij komitetit, Agim Krasniqi, i ka hapur përfundimisht rrugën realizimit të këtij projekti, raporton KTV.
Madje sipas kryetarit të Pejës, Gazmend Muhaxheri, projekti 54 milionë euro, pritet të përfundojë shumë shpejt.
Sipas tij, ky projekti është më madhori, që ka pasur ndonjëherë Komuna e Pejës.
Ai shpreson se me këtë projekt do të zhvillohet ekonomikisht Peja.
Mirëpo, Veton Mujaj nga organizata ‘Syri i Vizionit’, thotë se projekti ‘Borea’, është projekt i viteve 70-ta.
Mujaj ka thënë po ashtu se qytetarët e Pejës meritojnë më shumë.
“Borea” do të jetë dispozicion të qytetarëve për katër stinët e vitit dhe pritet të ndikojë në zhvillimin e turizmit në Bjeshkët e Rugovës, në qytet brenda dhe në komunat afër Pejës.
