Tre anëtarët ndërkombëtarë të Këshillit Shtetëror të Cilësisë japin dorëheqje

Tre anëtarët ndërkombëtarë të Këshillit Shtetëror të Cilësisë (KSHC), Herbert Amato, Jeffery Butel dhe Magdalena Ziolo, kanë dhënë dorëheqje pasi që kanë refuzuar që të deklarojnë pasurinë në Agjencinë e Kosovës kundër Korrupsionit.

Këtë e ka konfirmuar për “Kohën”, drejtori i Agjencisë së Kosovës për Akreditim, Naim Gashi.

“Koha”, ka siguruar dokumentin e Agjencisë Kundër Korrupsionit sipas të cilit thuhet se të gjithë zyrtarët e lartë publik në Kosovë janë të obliguar që të deklarojnë pasurinë e tyre.

Burime të “Kohës”, brenda KSHC-së kanë bërë të ditur se të enjten kanë paralajmëruar se do të japin dorëheqje edhe kryetari i bordit, Gazmend Luboteni dhe nënkryetarja, Vjollca Krasniqi.

Deri tash asnjëri prej tyre nuk janë përgjigjur për “Kohën”, për arsyet e dorëheqjes.

Letra për AKK-në: Shkarko dokumentin

Kërkesa e Agjencisë për deklarim: Shkarko dokumentin