-
Nga:
Luljeta Beselica
- 28 mars 2020 20:05
- Shpërndaje në:
Janë në vijën e parë të rrezikut nga infektimi nga koronavirusi, por stafi mjekësor në Kosovë ka mungesë të materialeve mbrojtëse.
Pothuajse të gjitha Qendrat e Mjekësisë Familjare nëpër komunat e vendit ballafaqohen me të njëjtin problem, raporton KOHA.
Në Klinikën Infektive në QKUK kanë thënë se vetëm edhe për disa ditë kanë material mbrojtës.
Sindikata e punëtorëve shëndetësorë tregon se të rrezikuar pos tyre, po janë edhe mjekët e ekipeve mobile që po vizitojnë të prekurit me COVID-19, që janë vetizoluar në shtëpi.
Në Ministrinë e Shëndetësisë, përgjegjëse për furnizim me materiale të nevojshme, e pranojnë se kanë pak rezerva, por thonë se situata është e menaxhueshme.
Përndryshe në Klinikën Infektive janë 32 pacientë të shtrirë të prekur me koronavirus, 25 prej tyre janë në gjendje stabile përderisa 7 pacientë janë duke u trajtuar me terapi oksigjeni.
Në Kosovë janë prekur mbi 80 persona me virusin COVID-19 e një person 82-vjeçar ka vdekur javën e kaluar.
