Shtetet e Bashkuara të Amerikës kanë paralajmëruar sanksione ndaj shtatë individëve dhe entiteteve për pjesën e tyre në rrjetin e patronazhit të presidentit të Republikës Serbe, Milorad Dodik.
Zëdhënësi i Departamentit Amerikan të Shtetit, Matthew Miller, ka njoftuar nëpërmjet një postimi në “X”, se në mesin e të sanksionuarve do të jetë një politikan i Bosnjë-Hercegovinës që shërben në agjendën politike destabilizuese të Dodikut.
“SHBA-ja po sanksionon shtatë individë dhe entitete për pjesën e tyre në rrjetin e patronazhit të Presidentit të Republika Serbe Dodik. Ne po sanksionojmë gjithashtu një politikan të Bosnje-Hercegovinës, i cili shërben si lehtësuesi kryesor i korrupsionit dhe agjendës politike destabilizuese të Dodikut”, thuhet në njoftimin e zyrtarit të DASH-it.
The U.S. is sanctioning seven individuals and entities for their part in Republika Srpska President Dodik’s patronage network. We’re also sanctioning a Bosnia and Herzegovina politician who serves as a key facilitator of Dodik’s corruption and destabilizing political agenda.
— Matthew Miller (@StateDeptSpox) December 18, 2024
