Ambasada e Shteteve të Bashkuara të Amerikës në Kosovë ka reaguar pas mbylljes së qendrave serbe për Punë Sociale në Kosovë.
Ambasada ka shprehur shqetësime për këtë veprim, të cilin e ka quajtur të pakoordinuar.
Tutje thuhet se këto veprime mund të kenë pasojë negative për të ardhmen e Kosovës në Evropë dhe marrëdhënien dypalëshe me SHBA-në.
“Ambasada e SHBA-së është e shqetësuar me mbylljet e papritura dhe të pakoordinuara të qendrave serbe për mirëqenie sociale në Kosovë. Këto dhe veprime të ngjashme ndikojnë negativisht në mijëra qytetarë të Kosovës dhe rrezikojnë të krijojnë pasoja negative për të ardhmen e Kosovës në Evropë dhe marrëdhëniet tona dypalëshe”, thuhet në reagimin e Ambasadës në rrjetin social “X”.
The U.S. Embassy is concerned by the abrupt and uncoordinated closures of Serbia-run welfare offices in Kosovo. These and similar actions negatively impact thousands of Kosovan citizens and risk creating negative consequences for Kosovo’s future in Europe and our bilateral…
— U.S. Embassy Pristina (@USEmbPristina) February 23, 2025
Aksioni për mbylljen e këtyre qendrave është zhvilluar të premten.
