Rrugët e fshatrave pa asfalt, Komuna e Prishtinës i trajton me zhavor

Ka disa ditë që një pjesë e rrugës “Brigada e Lirisë”, që të çon në fshatin Keqekollë, është asfaltuar.

Një pjesë e kësaj rruge ishte shtruar vite me parë, përderisa pjesa e asfaltuar tani nuk e mbulon krejt rrugën.

Kanë mbetur edhe rreth 1.5 kilometra të kësaj rruge pa u asfaltuar.

E, sipas banorëve, është pikërisht kjo pjesë e cila ka më së shumti nevojë.

Për shkak të pjerrtësisë që ka, rruga që të çon deri tek shtëpitë e vetme të fshatit Keqekollë është shumë e vështirë për t’u kaluar.

Vështirësitë më të mëdha bëhen gjatë reshjeve të shiut dhe borës.

Probleme të mëdha janë për vetë Gazmend Hajrizin, i cili këtë rrugë e kalon të paktën 6 herë në ditë.

Për shkak se ai ka një fermë në fshat, çdo ditë i bie të kalojë këtë rrugë për ta shitur qumështin.

Ai kërkon nga Komuna e Prishtinës që të vazhdojnë asfaltimin edhe në këtë pjesë të mbetur të rrugës.

Ndërsa, Habib Emini thotë se po të ishte rruga e asfaltuar ai nuk do të largohej nga fshati së bashku me familjen e tij.

Nga Komuna e Prishtinës thonë se për këtë vit ka qenë në buxhetim vetëm një pjesë e rrugës për asfaltim.

Sipas drejtorit për Investime Kapitale, Krenar Xhaferi, vitin e ardhshëm pritet që pjesa e mbetur të shtrohet me zhavorr.

Në këtë mënyrë do t’u bëhet zgjidhja të gjitha rrugëve të fshatrave të Komunës së Prishtinës.

Kjo do të jetë një zgjidhje afatgjate për rrugët e fshatrave.

60 për qind e këtyre mjeteve do të shkojnë për zhavorrimin e rrugëve të fshatrave të Gollakut, ndërsa 40 për qind për fshatrat e tjera të Prishtinës.