Politikania serbe Rada Trajkoviq, ka njoftuar se autoritetet serbe ia kanë ndaluar vajzën në Aeroportin e Beogradit. Trajkoviq, që është këshilltare e ministrit për Komunitete e Kthim në Qeverinë e Kosovës, Nenad Rashiq, ka shkruar në Twitter për rastin.
Ajo ka treguar se vajza ishte duke u kthyer në Londër.
“Dhe sërish! Vajza, që ishte rrugës për t’u kthyer në Londër, prapë është ndaluar në Aeroportin e Beogradit. Një qytetare private, një qytetare britanike, një intelektuale, është ndaluar, vetëm për shkak të tekave të një njeriu”, ka shkruar Trajkoviq.
Ajo ka thënë se vajza e saj u lirua vetëm pas intervenimit të autoriteteve britanike.
“Falënderoj që po e mësojnë Serbinë se si të sllet me ndershmëri ndaj qytetarëve të saj”, ka shkruar Trajkoviq.
I ponovo! Ćerka na putu nazad u London opet zadržana na beogradskom aerodromu. Privatna građanka, državljanin Britanije, intelektualac, sve zbog hira jednog čoveka. Puštena samo nakon poziva @FCDOtravelGovUK u Londonu. Hvala im što Srbiju uče kako se, poštuju sopstveni građani.
— Rada Trajkovic (@trajkovic_rada) December 25, 2022
