Partia Socialdemokrate ka vendosur një fotografi të ish-politikanit serb në Kosovë, Oliver Ivanoviq në oborrin e Qeverisë së Kosovës.
Lideri i PSD-së, Dardan Molliqaj u shpreh se deklaratat e Kurtit në përvjetorin e vrasjes së Ivanoviqit janë skandaloze dhe të papranueshme.
Ai ka thënë se meqenëse kryeministri Kurti “flet fjalë të mira për një kriminel, që ka marrë pjesë në dëbimin dhe vrasjen e shqiptarëve në veri, i njëjti duhet të bëjë homazhe çdo ditë para fotografisë së tij”.
Thurja e lavdeve nga Kurti për Ivanoviqin në përvjetorin e pestë të vrasjes së tij, nxiti reagim të madh edhe te partitë tjera opozitare./KP
