Kryetari i komunës së Vitisë Sokol Haliti, shoqëruar edhe nga kryesuesi i Kuvendit Naim Pira dhe drejtoresha e Arsimit Fatbardha Emini, kanë vizituar sot në orët e paradites objektin aktual të shkollës së mesme të ulët “Halil Alidemaj” në Pozheran, për të parë nga afër gjendjen në të cilën po vazhdon të veprojë.
Për shkak të parandalimit të rrezikshmërisë në këtë objekt, sidomos pas tërmetit që ka ndodhur në shtetin shqiptar ditën e djeshme, kryetari Haliti ka shqyrtuar mundësitë bashkë me ekipin e inxhinierëve komunalë, që të vazhdojë apo të marrë vendim për ndërprerjen e vijimit të mësimit në atë objekt, raporton KTV.
Po ashtu, u shqyrtua mundësia e dislokimit të nxënësve nga aty, për në shkollat më të afërta.
Drejtoria e Arsimit, së shpejti pritet të dalë me një njoftim.
