Për shkak të problemeve me turbullirat e ujit dhe reduktimeve në disa pjesë të Mitrovicës dhe Komunës së Vushtrrisë, sot është inspektuar kanali i Iber Lepencit.
Sipas njoftimit nga Kompania Rajonale e Ujësjellësit “Prishtina”, se për rajonin e Mitrovicës turbullirat janë nga liqeni i vogël i Pridvoricës.
“Po ashtu, kryeshefi ekzekutiv i KRU ‘Prishtina’ Sokol Xhafa pati takim edhe me kryetarin e komunës së Vushtrrisë zXhafer Tahiri me ç ‘rast, inspektoratet komunale do dalin në terren për të inspektuar në detaje kanalin për t’i eliminuar shkarkimet fushore në kanal. Veprimet tona karshi situatës së krijuar, në përmirësimin e gjendjes me turbullirë dhe furnizim janë të pashmangshme”, thuhet tutje në njoftim.
Të hënën gjatë ditës KRU “Mitrovica” ka njoftuar për ndaljen e ujit në disa zona të Mitrovicës dhe Vushtrrisë për shkak të turbullirës së ujit.
