Parkingje publike me pagesë në tri rrugë të Prishtinës

Shenjat që tregojnë se këtu mund të qëndrosh vetëm 120 minuta dhe se duhet paguar për parking janë vendosur tashmë në rrugët “Fehmi Agani”, “Rexhep Luci” e “Mark Sopi” në kryeqytet.

Qytetarët janë të ndarë sa i përket fillimit të implementimit të pagesave në parkingje publike

Qytetari Bujar Dervishaj mendon se qytetit duhet t’i mbetet diçka nga e kalura, ndërsa nuk e ka mirëpritur projektin e parkingjeve.

“Po mungon e vjetra dhe e këndshmja e lagjens ‘Pejton’. Sigurisht që njerëzve u duhet parkingu, por duhet me mbetë diçka që ka ekzistu përpara”, tha ai.

E, Albert Maxhuni thotë se parkingjet do duhej të bëheshin më herët.

“Ky projket është shumë i mirë për Prishtinën dhe është dashtë të ndodhë më herët. Kjo e rregullon një problem të madh që e ka Prishtina”

Një tjetër qytetar, Hysen Berisha, ka thënë se një projekt i tillë është i domosdoshëm.

Projekti është ende në fazën fillestare, thotë kryeshefi i “Prishtina Parking”, Liridon Restelica. Sqaron se shumë shpejt do të fillohet edhe me shenjëzimin dhe lansimin e aplikacionit për pagesë.

Restelica shpjegon edhe mënyrat se si do të kryhet pagesa për banorët e lagjeve, por që do të mund të shfrytëzohen edhe nga qytetarët e tjerë.

“Parkingjet publike janë të ndara me zona. Derisa na qendër paguhet 1 euro për orë, në periferi çmimi është më i ulët”, tha ai.