Mot kryesisht i vranët do të mbajë të martën e 14 janarit në Kosovë.
Sipas parashikimeve të Institutit Hidrometeorologjik të Kosovës, temperaturat minimale do të lëvizin ndërmjet -3 dhe -1 gradë celsius, ndërsa maksimalet nga 0 në 2 gradë celsius.
Kjo javë në Kosovë i është nënshtruar ciklonit nga jugu i Italisë dhe detit Jon, që sipas IHMK-së, ka kushtëzuar mot me reshje dhe ulje temperaturash.
Ngricat do të jenë të pranishme dhe është apeluar për kujdes të shtuar për shoferët.
Gjithashtu, këmbësorët dhe personat e moshuar këshillohen të tregojnë kujdes maksimal për të shmangur rrëshqitjet dhe incidentet në rrugë.
