Presidentja e Kosovës, Vjosa Osmani, ka njoftuar nëpërmjet platformën “X” se ka pasur një bisedë telefonike me ndihmësekretarin e Shtetit të SHBA-së për Evropë dhe Euroazi, James O’Brien.
Osmani ka thënë se ka diskutuar për hapat e Kosovës drejt anëtarësimit në Këshillin e Evropës e po ashtu ka ritheksuar nevojën për zbatimin e plotë dhe të shpejtë të Marrëveshjes së Brukselit.
“Një telefonatë produktive sot me ndihmësekretarin e Shtetit, O’Brien. Theksova rëndësinë e të punuarit së bashku me aleatët tonë të SHBA-së në mbrojtjen e lirisë, pavarësisë dhe demokracisë sonë. Ne diskutuam gjithashtu hapat e Kosovës për anëtarësim në Këshill të Evropës dhe zbatimin e plotë dhe të shpejtë të Marrëveshjes së Brukselit”, ka shkruar Osmani në platformën “X”.
A productive call w/ @StateEUR O’Brien today. Emphasised the fundamental importance of working together with our U.S allies in defending our freedom, independence&democracy. We also discussed 🇽🇰’s strides for CoE membership & the full&swift implementantion of the Brussels agrmt. pic.twitter.com/FS600bfddu
