-
Nga:
Luljeta Beselica
- 14 korrik 2020 21:20
- Shpërndaje në:
Nga kjo e martë, një pjesë e Klinikës së Neurologjisë do të shfrytëzohet për trajtimin e pacientëve me COVID-19.
Përderisa pacientët me probleme neurologjike do të vazhdojnë të trajtohen në pjesën tjetër të objektit.
Ky vendim ka ardhur si pasojë e rritjes të të infektuarve.
Por pacientët me sëmundje të tjera, po kanë vështirësi në sigurimin e trajtimit të tyre.
Duke mos dashur të prononcohen, thonë se nuk është e drejtë që i tërë kapaciteti mjekësor të koncentrohet vetëm në luftimin e pandemisë.
Edhe nga Shoqata për të drejtat e pacientëve thonë se kanë pranuar shumë ankesa për mostrajtimin e tyre nga ana e stafit të QKUK-së.
Përveç rritjes së numrit të të infektuarve dhe krijimit të hapësirave për trajtimin e tyre shkaku i pandemisë, klinikat kanë pranuar kryesisht raste të natyrës urgjente.
