Nis gjykimi ndaj Vukotiqit, të akuzuarit për krime të luftës dhe dhunim në Kosovë

Në Gjykatën Themelore në Prishtinë ka nisur gjykimi ndaj Zoran Vukotiq, ku është mbajtur seanca fillestare. Vukotiq akuzohet nga Prokuroria Speciale e Kosovës për krime lufte ndaj popullatës civile në Komunën e Vushtrrisë dhe për dhunim seksual ndaj një gruaje shqiptare.

Zoran Vukotiq aktualisht vuan dënimin në burgun e sigurisë së lartë, pasi ishte dënuar me 6 vjet burgim në vitin 2018 për tortura ndaj të burgosurve në burgun e Smerkonicës gjatë vitit 1999, ndërsa ishte shpallur i pafajshëm në njërën nga pikat e aktakuzës ku akuzohej për krime lufte edhe në fshatin Studime të Vushtrrisë.

Vukotiq në seancën fillestare e ka mohuar fajësinë, ka konfirmuar për KOHËN zyra për informim e Gjykatës Themelore.