-
Nga:
Saranda Ramaj
- 8 shkurt 2024 18:02
- Shpërndaje në:
Komisioni Rregullativ i Prokurimit Publik ka marrë vendim ta aprovojë kërkesën e Organit Shqyrtues për Prokurimit Publik (OSHP), për marrjen e masave ndaj Nexhat Krasniqit, ish-udhëheqës i Zyrës së Prokurimit të Ministrisë së Infrastrukturës.
Në një vendim të siguruar nga KOHA, Komisioni shkroi se Krasniqit i është shqiptuar masa e revokimit të certifikatës profesionale të prokurimit publik.
“Aprovohet kërkesa e Organit për Prokurim Publik për marrjen e masave për zyrtarin përgjegjës të Prokurorimit në Autoritetin Kontraktues Ministria e Mjedisit, Planifikimit Hapësinor dhe Infrastrukturës, Nexhat Krasniqi. Shqiptohet masa - revokim i certifikatës profesionale të prokurimit publik...për Nexhat Krasniqin, zyrtar përgjegjës i prokurimit gjatë realizimit të aktivitetit të prokurimit”, thuhet në vendim
OSHP-ja kishte parashtruar kërkesë me arsyetimin se zyrtari përgjegjës i prokurimit ka bërë shkelje të dispozitave...për arsye se me rastin e menaxhimti të aktivitetit të prokurimit përkatësisht ka dëshmuar mungesë të theksuar të profesionalizmit në fushën e prokurimit publik.
Institucioni që monitoron zbatimin e rregullave të prokurimit publik kishte identifikuar parregullsi në aktivitete shumëmilionëshe të prokurimit që i ka realizuar Zyra e Prokurimit e udhëhequr nga Krasniqi.
Krasniqi është përfshirë në listën e zezë të Departamentit amerikan të Shtetit.
