Kanë nisur punimet në asfaltimin e rrugës së fshatrave Shtupel-Ranoc të Klinës, një arterie kjo shumë e rëndësishme e cila krijon lehtësi në lëvizjen e banorëve të kësaj ane dhe lidhje më të shpejt e të lehtë me qendrën e Klinës.
Rruga është e gjatë 3 km dhe ka kushtuar rreth 140 mijë euro. Në ceremoninë e përurimit të kësaj rruge ka marrë pjese edhe kryetari i Komunës së Klinës, Sokol Bashota i cili ka uruar banorët për rrugën.
Asfaltimi i kësaj rruge krijon një lidhje të mire në mes fshatrave verilindorë me ato të Lugut të Drinit, rrugë kjo e cila pothuajse ka qenë e pakalueshme për automjete.
Në komunën e Klinës, kanë nisur të realizohen dhe janë në procedure edhe shumë projekte tjera në infrastrukturë rrugore dhe fusha tjera.
Kujtojmë se ky është vit zgjedhor, meqë zgjedhjet lokale mbahen në nëntor të këtij viti.
