-
Nga:
Alberta Hashani
- 16 prill 2019 22:37
- Shpërndaje në:
Kosova po rrezikon humbjen e miliona eurove të fondit të IPA-së, të Bashkimit Evropian në mungesë të kapaciteteve njerëzore për përpilimin e projekteve.
Për këtë, Komisioni për Integrime Evropiane ka kërkuar nga ministrja Dhurata Hoxha bashkëpunim më të madh me Kuvendin për gjetjen e profesionistëve.
Anëtarët e Komisionit janë shprehur të pakënaqur me rezultatet e investimeve nga fondi IPA, në arsim dhe energji, raporton KTV.
Përmes këtij instrumenti financiar, BE-ja synon të ndihmojë vendet që janë në proces të anëtarësimit.
E, ndihma për Kosovën ka nisur që nga viti 2007.
Gjatë kësaj mbledhjeje, Komisioni ka miratuar Programin Kombëtar për Zbatimin e Marrëveshjes së Stabilizim Asociimit për vitet 2019-2023.
