-
Nga:
Donisa Fazliu
- 21 nëntor 2024 17:05
- Shpërndaje në:
Me 61 vota për, asnjë kundër e asnjë abstenim është votuar shqyrtimi i dytë i projektligjit për ndarje buxhetore për buxhetin e Kosovës për vitin 2025.
Kuvendi e ka miratuar ligjin mbi ndarjet buxhetore për vitin 2025 me vota minimale të deputetëve.
Gjatë seancës plenare të mbajtur të enjten, opozita e ka akuzuar pushtetin për shkelje në buxhetin për vitin 2025, madje edhe kanë kërkuar që të mos vihet fare në votim.
Para votimit, tri partitë opozitare, PDK-ja, LDK-ja dhe AAK-ja e kanë lëshuar sallën.
Buxheti për vitin 2025 u miratua në parim më 11 nëntor. Votuan vetëm deputetët e partisë në pushtet.
Buxheti për vitin 2025 është paraparë të jetë 3.6 miliardë euro, e për investime kapitale janë ndarë 930 milionë euro apo 71 milionë euro më shumë sesa këtë vit.
