Mbi dy orë qytetarët po duhet të presin që të hyjnë në Kosovë nëpërmjet pikave kufitare Jarinjë dhe Dheu i Bardhë.
Sipas përditësimit të fundit të Qendrës për Menaxhim Kufitar të bërë rreth orës 19:20, për të hyrë në Kosovë nëpërmjet Jarinjës pritja është dy orë e 20 minuta, ndërsa nëpërmjet Dheut të Bardhë pritja është dy orë e 10 minuta.
Pritje të gjata ka edhe në Bërnjak. Për të hyrë në Kosovë nëpërmjet kësaj pike duhet pritur një orë e gjysmë.
Në Merdar e Muçibabë pritjet janë 30 minuta.
