Kryeministri në detyrë, Albin Kurti, ka pritur në takim të enjten ambasadorin e ri të Bullgarisë në Kosovë, Hristo Kraevski, të cilin e ka falënderuar për bashkëpunimin e ngushtë të këtij vendi në sigurinë rajonale.
Në njoftimin e lëshuar nga Zyra e Kryeministrit thuhet se Kurti e ka falënderuar Bullgarinë për mbështetjen dhe përkrahjen e vazhdueshme ndaj vendit drejt anëtarësimit në organizata ndërkombëtare.
“Si dhe bashkëpunimin e ngushtë rajonal e kontributin e saj në sigurinë rajonale si anëtare e NATO-s”, thuhet tutje në njoftim.
Rritja e shkëmbimeve tregtare dhe forcimi i bashkëpunimit në fushën e ekonomisë, kulturës, inovacionit, sigurisë e mbrojtjes thuhet se ishin ndër temat tjera të diskutimit.
