Koalicioni AAK-NISMA në Malishevë ironizon më LVV-në: Ata ecin nëpër vepra tona

Koalicioni mes AAK-së, Nismas, Intelektualëve, Konservatorëve e Ideal kanë mbajtur tubim elektoral në Malishevë. Nga aty, kandidati për kryeministër, Ramush Haradinaj, akuzoi qeverinë për mungesë projektesh në këtë komunë.

Me tupanë e me muzikë u pritën simpatizantët e koalicionit mes Aleancës për Ardhmërinë e Kosovës, Nismës Socialdemokrate, Forumi i Intelektualëve, Konservatorëve e Ideal në Malishevë.

Palestra e sporteve “Habib Zogaj” u konsiderua e pamjaftueshme për t’i zënë të gjithë nga kryetari i Malishevës, Ekrem Kastrati, meqë pjesëmarrjen qytetarëve në tubim e vlerësoi masive.

E pati edhe një sugjerim për t’ua lehtësuar procesin e votimit atyre.

Nga Malisheva u dërgua edhe një përshëndetje në Hagë, ku është duke qëndruar kandidati për deputet nga ky koalicion, Isni Kilaj, pasi u arrestua nga Dhomat e Specializuara në dhjetor të vitit të shkuar.

Brohoritjet u intensifikuan me ngjitjen në skenë të kryetarit të Nismës, Fatmir Limaj.

Ai e pati të vështirë të niste fjalimin.

 “Lemni t’i foli dy fjalë o burra”, u shpreh ai.

Fjalimin e vazhdoi duke ironizuar me Lëvizjen Vetëvendosje, e cila një ditë më herët mbajti tubim në këtë hapësirë.

“Kanë shkel nëpër veprat tona me ardh këtu…”

Me Lëvizjen Vetëvendosje u mor edhe kandidati për kryeministër, Ramush Haradinaj. 

Ai akuzoi qeverinë për trajtim jodinjitoz të veteranëve të UÇK-së.

Koalicioni në Malishevë premtoi zhvillim ekonomik, ndërtim të autostradës së Dukagjinit e trajtim dinjitoz të veteranëve të UÇK-së.