Kryetari i Komunës së Gjilanit, Lutfi Haziri, ka pritur sot në takimin e parë koordinues kryetarin e Komunovës, Maksim Dimitrievski, kryetarin e Vitisë, Sokol Haliti dhe kryetarin e Kriva Palanka, Borianco Micevski.
Qëllimi i takimit ka qenë koordinimi për projektet e bashkëpunimit ndërkufitar, ku Komuna e Gjilanit dhe ajo e Kumanovës ka fituar projektin nga Komisioni Europian për rindërtimin dhe modernizimin e tregjeve, ndërkaq më pas janë prezantuar detajet, bëhet e ditur përmes një komunikate për media.
“Bashkëpunimi, faza e parë ka filluar për implementim me datën 8 janar 2018. I kemi formuar grupet punuese dhe janë ndarë detyrat për të vazhduar me punë. Sot jemi në këtë takim për të dhënë edhe një mesazh për të vazhduar edhe më fuqishëm përpara. Jam krenar që Gjilani është shembulli më i mirë i bashkëpunimit ndërkufitar dhe në këtë rast është shumë i rëndësishëm rindërtimi dhe modernizimi i tregjeve tona. E falënderoj Komisionin Europian për mbështetjen në këtë dhe shumë projekte të tjera”, ka thënë Haziri, transmeton Koha.net.
Ndërkaq, kryetari i Kumanovës, Maksim Dimitrievski, ka thënë se përmes projektit të përbashkët të modernizimit të tregjeve, do të përfitojnë tregtarët, duke shtuar se implementimi i këtij projekti është shumë i rëndësishëm dhe ka një efekt shumë të gjatë për të ardhmen, sepse vetëm kështu mund të lidhim bashkëpunimin dhe projektet e rëndësishme për qytetarët tanë.
Dardani Sadriu, nga e Komisonit Europian për Kosovë, ka thënë se nga realizimi i projekteve të përbashkëta është shumë i rëndësishëm, duke fuqizuar komunat përkatëse me mbështetjen e KE.
“Jemi këtu për t’i dhënë mbështetje dhe fuqi bashkëpunimit të komunave Gjilanit, Komunovës, Maksim Dimitrievski, Vitisë, Kriva Pallankës. Dhjetë projektet e kaluara deri më tani janë të suksesshme dhe ato janë të prekshme. Presim nga projektet që kemi nënshkruar tani që të vazhdojmë edhe më suksesshëm në fushën e bujqësisë, tregtisë dhe turizmit”, ka thënë Sadriu.
Aktualisht grupet punuese në takimin e madh të përbashkët të katër komunave janë duke e bërë prezantimin detaj të projekteve të tyre. Komuna e Vitisë dhe ajo e Kriva Pallankës do të bashkëpunojnë në projektin për investime dhe zhvillim të turizmit ndërkufitar.
Përndryshe, me financim të Komisionit Europian, komuna e Gjilanit ka realizuar disa projekte në arsim, sport, e bujqësi, duke dikuar direket në dhënien e shërbimeve më të mira për qytetarët.
Ndërkaq, së shpejti pritet të hapet kufiri Stanqiq-Bellanoc, që është një shkurtim i vajtje ardhjes së qytetarëve të Gjilanit dhe pjesës së Anamoravës me komunat e Maqedonisë.
