Eksperti i Ballkanit Perëndimor dhe hulumtuesi i Universitetit Johns Hopkins, Edward Joseph, ka thënë se presidenti serb, Aleksandar Vuçiq dhe Beogradi zyrtar duhet të festojë për përparimin e votimit të Këshillit të Evropës dhe liberalizimit të vizave për kosovarët në Bashkimin Evropian.
Në një seri shkrimesh të postuara në llogarinë e tij në Twitter, Joseph ka thënë se votimi i së hënës, do ta nxisë formimin e Asociacionit të komunave me shumicë serbe.
“President Vuçiq, së shpejti diplomatët tuaj do të mund të diskutojnë çështje të rëndësishme të të drejtave të njeriut - jo në takimet e kryesuara nga BE-ja - por me kolegët diplomatë nga Republika e Kosovës, në Këshillin e Evropës. Votimi i KiE-së nxit menjëherë perspektivat për formimin e Asociacionit të komunave me shumicë serbe. Zbatimi do ta bëjë të pashmangshëm anëtarësimin e Kosovës në KiE, duke u dhënë serbëve qasje në Gjykatën Evropiane të të Drejtave të Njeriut. Dhe liberalizimi i vizave më në fund do t'u japë serbëve të Kosovës udhëtimin pa viza në BE”, ka thënë ai, duke shtuar se meqë mirëqenia e serbëve të Kosovës është prioriteti kryesor i Vuçiqit, ai duhet ta kuptojë se ata janë përfituesi më i madh.
Joseph më tej ka thënë se shefi i diplomacisë së BE-së, Josep Borrell, duhet ta informojë Spanjën dhe vendet tjera mosnjohëse ndaj Kosovës, të cilat janë anëtare të BE-së, se duke votuar kundër në KiE, Serbia ka shkelur marrëveshjen me Kosovën, e cila është ligjërisht të detyrueshme, e hartuar nga BE-ja.
Because the welfare of Kosovo Serbs is clearly the ‘top priority’ for @avucic, Belgrade should be celebrating breakthrough CoE vote & EU visa liberalization - instead of sabotaged elections in north of Kosovo. After all, Kosovo Serbs are the biggest beneficiary: 1/5 ? https://t.co/luUbKYLVE7
— Edward P. Joseph (@edwardpjoseph) April 24, 2023
