Ambasadori i Shteteve të Bashkuara të Amerikës në Kosovë, Jeffrey Hovenier, është takuar të enjten me gjeneralin e pensionuar Wesley Clark.
Në njoftimin e lëshuar nga Hovenier në platformën “X”, e ka quajtur gjeneralin Clark simbol të mbështetjes së SHBA-së për popullin e Kosovës.
“Gjithmonë kënaqësi të takohem me gjeneralin e pensionuar Wesley Clark, i cili ka bërë shumë për të thelluar lidhjet e forta ndërmjet SHBA-së dhe Kosovës, dhe vazhdon të jetë përkrahës dhe simbol i mbështetjes së SHBA-së për popullin e Kosovës”, ka shkruar Hovenieri.
Ish-komandanti suprem i NATO-s për Evropë, i cili udhëhoqi ndërhyrjen e NATO-s në vitin 1999, ka qëndruar së fundmi në Kosovë, ku është takuar me krerët shtetërorë.
Always a pleasure to meet with retired General Wesley Clark, who has done so much to deepen the strong ties between 🇺🇸 and 🇽🇰, and continues to be an advocate and symbol of U.S. support to the people of Kosovo. pic.twitter.com/sAJT3Mytd6
— Ambassador Jeff Hovenier (@USAmbKosovo) November 14, 2024
