Aeroplani i “Wizz Air” nga Sofja e Bullgarisë, në të cilin ishte kryeministri i Kosovës, Ramush Haradinaj, mbrëmë pas mesnate ka dështuar të aterrojë në Aeroportin Ndërkombëtar të Prishtinës, raporton Koha.net.
Burimet e portalit Koha.net kanë thënë se aeroplani pas disa tentimesh nuk ka arritur të aterrojë në Prishtinë dhe është detyruar të ulet në Shkup. Nga Maqedonia është bërë transporti i organizuar i të gjithë udhëtarëve me autobus.
Këto burime i kanë thënë portalit se kryeministri Haradinaj nuk ka qenë në autobus, por ka arritur në Prishtinë me veturë zyrtare.
Për shkak të kushteve të vështira atmosferike, Haradinaj dhe ekipi i tij nuk ka mundur të aterrojë të martën pasdite në Prishtinë, raportoi KTV.
Fluturimi W67792 i WizzAir nuk aterroi në kryeqytet as pas tri tentimesh, dhe përfundimisht ka aterruar në Sofje të Bullgarisë
I pari i ekzekutivit ishte në Londër për takimin e BERZH-it me kryeministrat e rajonit.
