Gashi i LDK-së: VV-ja është mobilizuar, sot bëhet betimi i deputetëve

Arben Gashi nga Lidhja Demokratike e Kosovës pret që sot, 17 prill, të kalojë raporti për verifikimin e mandateve të deputetëve në Kuvend. Kjo do të ndodhë sipas tij, pasi parti në pushtet është mobilizuar për ta bërë një gjë të tillë sot.

“Çështja është politike, mendoj se do hedhet në votim dhe besoj që janë mobilizuar dhe e kalojnë raportin dhe sot bëhet betimi. Pastaj a do të zgjedhet kryetari, trupat tjera, a do të përfundohet konstituimi i Kuvendit apo do të fillojë menjëherë procesi i formimit të qeverisë janë çështje të shumicës, të numrave”, ka thënë ai.