Për shkak të erërave të forta që priten gjatë së enjtes në Prishtinë, është bërë thirrje që qytetarët të kenë kujdes.
Komuna e Prishtinës ka lëshuar një thirrje për qytetarët duke u kërkuar që të shmangin qëndrimin pranë objekteve a pemëve, të mbyllin dritaret dhe dyert dhe të kenë kujdes gjatë qarkullimit.
“Sipas parashikimeve të motit, sot në Prishtinë priten erëra të forta deri në 32 km/h. Për sigurinë tuaj, ju lutemi: Të shmangni qëndrimin pranë objekteve të larta, pemëve dhe strukturave të paqëndrueshme; Të siguroheni që dritaret dhe dyert e shtëpive apo bizneseve tuaja janë mirë të mbyllura; Të bëni kujdes gjatë qarkullimit”, thuhet në njoftimin e Komunës.
