-
Nga:
Rexhep Krasniqi
- 20 janar 2022 18:02
- Shpërndaje në:
Edhe Shkolla e Mesme Ekonomike “Kadri Kusari” në Gjakovë ka kaluar në mësim online pasi kanë rezultuar pozitivë me koronavirus 11 mësimdhënës e një nxënës.
Këtë e ka bërë të ditur Drejtoria Komunale e Arsimit në Gjakovë, derisa online po mbajnë mësim edhe shkollat Fillore dhe të Mesme të Ulëta “Yll Morina”, “Mazllum Këpuska” dhe Shkolla e Mesme Teknike “Nexhmedin Nixha”.
Janë edhe disa shkolla të tjera në të cilat mësimi online organizohet pjesërisht, paralele të ndryshme kanë kaluar në mësim online, ndërsa shumica e mbajnë mësimin me prani fizike.
