-
Nga:
Ridvan Hamza
- 15 shkurt 2019 16:13
- Shpërndaje në:
Ka shënuar rënie numri i veprave penale për 13 % krahasuar me janarin e vitit 2018, raporton KTV.
Nga 2478 sa kishin qenë në janarin e kaluar, muajin që shkoi janë regjistruar 2138 vepra penale.
Megjithatë, ka pasur rritje të numrit të grabitjeve dhe grabitjeve të armatosura. Nga 14 grabitje të armatosura që ishin regjistruar janarin e vitit 2018, këtë vit janë regjistruar 8 më shumë.
Këto të dhëna janë bërë të ditura në një konferencë për media të Policisë së Kosovës, ku janë bërë të ditura detaje nga një aksion i Policisë që ka rezultuar me arrestimin e dy kosovarëve, të dyshuar për falsifikim të kartëmonedhave.
Atyre u janë gjetur 383 kartëmonedha të vlerës prej 100 eurosh, të dyshuara si të falsifikuara.
Të njëjtat, sipas Bashkim Spahiut, drejtor i drejtorisë për hetimin e krimeve ekonomike dhe korrupsionit, ishin me origjinë nga jashtë shtetit.
Spahiu, ka bërë thirrje që qytetarët të kenë kujdes në këmbimin e kartëmonedhave, pasi sipas tij, lehtë mund të jenë viktima të mashtrimit.
