Një tjetër kërcënim me bombë ka ardhur në adresë të Aeroportit Ndërkombëtar të Prishtinës “Adem Jashari” të mërkurën.
Zëdhënësja e aeroportit, Valentina Gara, ka thënë se janë evakuuar të gjithë të pranishmit.
“Konfirmojmë se kemi pranuar një kërcënim me bombë. Udhëtaret dhe personeli janë evakuuar dhe janë të sigurt. Ekipet e involvuara në planin emergjent janë te angazhuar ne kryerjen e detyrave te tyre”, ka thënë Gara për KP.
Kërcënim të njëjtë pati edhe pak ditë më parë, por që pas kontrollit doli se ishte i rremë.
