Prokuroria Speciale ka njoftuar se ka ngritur aktakuzë ndaj të pandehurit J. Sh. i nacionalitet boshnjak, për kryerje të veprës penale “Krim i luftës kundër popullsisë civile”.
Në njoftimin e Prokurorisë thuhet se i pandehuri akuzohet se gjatë luftës në Kosovë, ka marrë pjesë në vrasjen e tre civile të nacionalitet shqiptar, që kanë ndodhur në shtëpinë e familjes Dyla në Gjakovë.
Sipas njoftimit hetimet kanë zbuluar se i pandehuri ka marrë pjesë edhe në dëbimin e familjes Dyla dhe shkatërrimin e pasurisë së tyre.
Kjo çështje penale thuhet se tashmë i ka kaluar në kompetencë Departamentit Special të Gjykatës Themelore në Prishtinë për procedurë të mëtutjeshme.
I pandehuri gjendet nën masën e paraburgimit sipas vendimit të gjyqtarit të procedurës paraprake deri në një vendim të ri nga ana e gjykatës.
