Prishtina të martën ka regjistruar rritje të ndotjes së ajrit.
Sipas matjeve të prezantuara nga Ambasada amerikane, shkalla e ndotjes është 171, si e tillë është e regjistruar në grupin “i dëmshëm”.
AQ-ja bën të ditur se lokacioni më i ndotur është pranë rrugës “Gazmend Zajmi”.
Viteve të fundit, Kosova, e konkretisht kryeqyteti, ka pasur probleme me ajrin e ndotur. Matjet e kanë paraqitur si qytetin më të ndotur në botë.
Studime të shumta kanë treguar se ajri i ndotur ndikon drejtpërdrejt në shëndetin e njeriut. Pos dëmeve në mushkëri e rrugëve të frymëmarrjes, ai ka efekte edhe në tru.
