-
Nga:
Majlinda Ibrahimi
- 7 gusht 2024 10:08
- Shpërndaje në:
(E përditësuar 12:55) - Arben Hajrullahu është zgjedhur rektor i ri i Universitetit të Prishtinës. Ai mori gjashtë vota në rundin e parë, nga pesë sa ishin të nevojshme.
Hajrullahu është profesor i shkencave politike në UP.
Fillon procesi i intervistimit të kandidatëve për pozitën e rektorit në UP
Ka filluar intervistimi i kandidatëve për pozitën e rektorit në Universitetin e Prishtinës.
Pozitën e rektorit e synojnë Arben Hajrullahu, profesor në Fakultetin Filozofik, Eda Vula, profesoreshë në Fakultetin e Edukimit, Isak Shabani, dekan i Fakultetit të Inxhinierisë Elektrike e Kompjuterike dhe Lidvana Spahiu, profesoreshë në Fakultetin e Mjekësisë. Ky është konkursi i dytë për zgjedhjen e rektorit. Ky proces dështoi në muajin korrik, pasi asnjë nga kandidatët nuk mori shumicën e votave nga anëtarët e Këshillit Drejtues.
Pozita e rektorit parasheh mandat katërvjeçar, me mundësi të rizgjedhjes edhe për një tjetër.
Aktualisht pozitën e rektorit e mban Qerim Qerimi. Ai këtë pozitë e fitoi në vitin 2022, pasi rektori i atëhershëm Naser Sahiti u shkarkua nga Këshilli Drejtues me arsyetimin se nuk tregoi performancë të mirë në menaxhim.
