“Nënat e Srebrenicës” e falënderojnë Osmanin për fjalimin në KS të OKB: Do të mbahet mend

Organizata me bazë në Bosnje, “Nënat e Srebrenicës”, e ka falënderuar presidenten e Kosovës, Vjosa Osmani, për fjalimin që mbajtur të hënën në Këshillin e Sigurimit të Kombeve të Bashkuara. Në fjalim, Osmani ka folur për vuajtjet e shqiptarëve në Kosovë dhe njerëzve në Bosnjë, viktimat e dhunës seksuale që ishin ulur prapa saj – për të cilat ajo kërkoi kërkimfalje nga presidenti serb.

“I jemi mirënjohëse presidentes Osmani, fjalimi i saj për viktimat e gjenocidit në Srebrenicë, viktimat shqiptarë të gjenocidit, janë dëgjuar nga e gjithë bota. Fjalime të tilla do të kujtohen për gjenerata. Faleminderit”, ka shkruar kjo organizatë në platformën X.

Në maj pritet që të votohet rezoluta për gjenocidin në Srebrenicë.

Presidentja Osmani në New York të hënën ftoi zyrtarët që ta vizitojnë Kosovën dhe ta shohin vetë progresin e vendit. Ajo iu drejtua Aleksandër Vuçiqit duke i thënë se po zgjedh të propagandojë e të mohojë të vërtetën në vend se të përballet me të kaluarën.

Osmani ka folur para Këshillit të Sigurimit se mijëra gra në Kosovë kanë përjetuar dhunë seksuale gjatë luftës, duke përmendur Vasfije Krasniqin dhe Shyhrete Tahirin, dy të mbijetuara.

“Vasfije Krasniqi ishte 16-vjeçe kur u dhunua dy herë nga forcat policore të Milosheviqit. Ata donin t’ia mbysnin shpresën. ‘Më shumë do të heqësh nëse vazhdon të jetosh’ i kanë thënë ata, kur ajo i kishte lutur që ta mbytnin. Shyhrete Tahiri-Sulejmani gjithashtu është një nga mijëra të mbijetuara nga dhuna seksuale në Kosovë. Ajo ka qenë cak i krimit njerëzor. Është dhunuar para vajzave, njëra 3-vjeçare e tjetra 1-vjeçare. Forcat e Milosheviqit kryen këto krime para syve të fëmijëve që dhimbja të kalonte nga gjenerata në gjeneratë”, ka thënë Osmani.

Peace requires dealing with the past.

Some of the victims of the regime which Vucic served, were sitting right next to me.

This was the chance to show them and the rest of the world, whether there is a glimpse of humanity left in him.

Once again, instead of dealing with the… pic.twitter.com/SZ995I3GvB

— Vjosa Osmani (@VjosaOsmaniPRKS) April 22, 2024