Emisari i Bashkimit Evropian për dialogun, Miroslav Lajçak, ia ka theksuar presidentit të Serbisë, Aleksandar Vuçiq, nevojën për progres urgjent në zbatimin e Marrëveshjes për Rrugën drejt Normalizimit.
Lajçaku të martën ka njoftuar se me Vuçiqin ka diskutuar edhe për dialogun, takimin e ardhshme të kryenegociatorëve dhe zhvillimet rajonale.
“Në Mostar fola edhe me presidentin e Serbisë për hapat e ardhshëm në dialog, takimin e ardhshëm të kryenegociatorëve, si dhe zhvillimet rajonale. Theksova nevojën për progres urgjent në zbatimin e Marrëveshjes për Rrugën drejt Normalizimit”, ka shkruar Lajçak në “X”.
Takimin me Lajçakun e njoftoi edhe Vuçiq më herët.
